انا اتخطبت؟؟؟؟؟؟؟؟؟

انا مش عارفه ايه المواضيع المكتوبه دى !!!!!!!!!!!!!!المفروض ان ده منتدى عماره وفيه اشياء عماره ويوجد فى هذا المنتدى قسم ترفيه للخروج بس من المذاكره فى المواضيع التانيه الى شى من الترفيه
لكن المواضيع ال انتوا بتكتبوها دى ملهاش اى علاقه لا بعماره ولا بالترفيه كلها مواضيع ممله وملهاش لازمه والمفروض ان المنتدى ده منتدى عماره يعنى المواضيع ال فيه تنم عن الناس المشتركين فيه
انما كده بالشكل ده مش كويس خالص ده ينم عن مواضيع ناس تافهه ملهاش اى اهداف فى الدنيا خالص غير شوية سخافات
وبعدين احنا مالنا متتجوز ولا تتخطب مالنا احنا هنروح نحضر الفرح يعنى
ياريت يابشمهندسين ويابشمهندسات تختاروا وتنتقوا المواضيع ال انتوا بتعرضوها على المنتدى بدقه شويه اكتر من كده لان المواضيع دى مش لطيفه ابدا

سمسمة اختلاف الراى لا يفسد للود قضية اووووووك واحنا قولنا اللىلا يعجبه موضوع يرد علية والله لو مش عاجبك مترديش بس متشرطيش علينا سورى فى اللفظ يعنى
وفعلا دى مواضيع مهمة عشان الدنيا مش كلها مزكرة ولا كلها عمارة ولكن لازم يكون فى دا ودا .......... وشكرا سمسم

اوك ياجماعه خلاص ماحدش من الادارة رد على البشمهندسه سمسمه
انا مش هحط ليكم مواضيع تانى وشكرا على حسن تعاملكم معنا
يابشمهندس خالد ياريت تبقى تحط قوانين للمنتدى بتاعكم لانى قبل مادخل قلتلى المنتدى دى الكل بيدخل عليه محددتش بتوع عمارة بس
وانت اللى ادتنى الموقع اسفه واخر مرة
فعلا من خرج من دارة اتقل مقداره

انا لم اقصد ابدا ان المنتدى لعماره فقط ولكن فى موضوعات كتير عماره ومدنى مشتركين فيها وخير دليل مادة المساحه
انا واضح ان انا مقدرتش افهمكم وجهة نظرى
انا كل ال انا كنت اقصده بلاش الموضوعات ال مش مفيده وان هى عباره عن هزل وعبث
احنا بنحب بتوع مدنى وكل الاقسام لان احنا فى الاول كنا كلانا دفعه واحده يعنى انا مش بكرهكم ولا مصتقصداكم ولكن فى موضوعات تانيه مفيده وترفيهيه فى نفس الوقت وملهاش دعوه بالمذاكره غير موضوع انا اتخطبت ,وانا اتجوزت , وانا بحبك ,والكلام ده يعنى ياريت تفكروا فى حاجات تانيه مفيده
وسلالالالالالالالالالالالالالاللاللام

عايزين حد من عمارة يرد أوكي
أولا إحنا كلنا إخوات
في الأول كنا عاوزين نستقل بالمنتدى كان شبه مغلق
بس لما لقينا أحبابنا من قسم مدني نفسهم يشاركونا أنا كنت من المرحبين بكده
لأن الرسول قال ( المسلم للمسلم كالبنيان يشد بعضه بعضا )
فالبتالي من حقهم يشاركو في أي حاجه
ومافيش حد يزعلهم لو سمحت
مع إحترامي طبعا لطلبة قسمنا العزاز
بس هما شافو إن الترفيه إنهم يناقشو مواضيع في الحب والعاطفة
معلش دي وجهات نظر
يعني الجرايد فيها صفحة مقالات زي فاروق جويده وكلام حب وفيها صفحة الوفيات
كل واحد يختار الي هوه بيحبه
وفي الأول وفي الأخر كل واحد بياخد نصيبه سواء من الحب أو من الزواج أو شئون الحياة الأخرى
بس ده مجرد طرح آراء وفضفضة
وأنا بواقع عملي مابرفضش رأي حد ممكن أسأله عن سبب معين إذا حب يقوله
لكن إني أنهر حد بسبب رأيه أو مشاركه فهذا ليس من أخلاقنا
وأنا بعتذر بإسمي وبالنيابه عن الجميع


وشكرا وآسف لو كنت زعلت حد سواء في مدني أو معانا
كلنا إخوات

المنتدي يرحب بالجميع
السلام عليكم ورحمة الله وبركاته
اقبل كل كلامي احب اعتذر بالنيابه عن البشمهندسه سمسما لكل اللي اتقال
اولا احب اقولكم ان الاداره كاااااااانت مطحونه في الشغل في الكليه علي شان كده اتاخر الرد
ثانيا اللي حصل من البشمهندسه سمسمه ده مجرد راي شخصي
اما من وجهة نظري انا والاغلبية العظمي
فان المنتدي يرحب بالجمي وليس حكرا علي احد
الادراه ترفض رفض تاااااااام مسح اي تعليق بيعمله اي عضو
كما انها غير مساوله عن الاراء الشخصيه
لكن اذا خرج حدود الحوار عن ادابه العامه فان الاداره سوف تتدخل تدخل لايعجب البعض منكم
اما بالنسبه للمواضيع اللي بتتحط في المنتدي فانا شيفها في قمة الروعة
ليه لان اللي عنده موضوع خاص بالدراسه تم وضعه في القسم المهتم بالدراسة
اما الترفيه فالمواضيع اللي ميه موجوده للترفيه
واللي مش عاجبه موضوع يا ميردش عليه ياما الرد يكون بادب وباحترام
واحب اوجه كل الشكر والتقدير لطلبة مدني
اللي ساعدونا في مدتهم ((المساحة)) وحطلنا المواضيع القيمه فيها
وكمان هما لم يتدخلوا في اي قسم خاص بالاقسام المعماريه
انا شفت انهم تدخلو في تخصصهم
يبق المفرود اننا نشكركم فشكرا لكم
ويا رب ما تحرمونا من اي مواضيع جميله زي دي
اما طلبة عماره فانا شايف تقصير
مفيش الا عدد بسيط بيشارك منكم سواء كان في الترفيه او حتي في الدراسه
فارجو ان مشاركتكم دي لا تكون السبب في ان اصدقائنا يزعلو مننا
سواء كانو مدني عماره او حتي ميكانيكا وكرهبا
خلاص
اعتذر تمام الاعتذار للجميع
وبالنسبه للموضوع ده فهو رائع
وردي عليه ان البنت دي لا يمكن تكون حبت الشخص ده ولهاش الا انها تهجر من قبل اللي حبها
لانها زائفة

عموما انا رديت على الكلام ده فى موضوع نفسك فى ايه !!!!!!!!!!! ياريت تدخلو وتشوفو الرد عشان تفهمو سوء الفهم ال حصل وانا برحب ببتوع مدنى وبكل الحاجات ال حطوها وعلى فكره انا راده كمان على بتوع عماره ال كانو كاتبن موضوعات شبه دى وعموما الاختلاف فى الراى لايفسد فى لود قضيه